ഒടുവിലത്തെ പ്രണയലേഖനം

                                       ഒടുവിലത്തെ പ്രണയലേഖനം 

അറിയുന്നു നീയെൻറ്റെയല്ലെന്നും
മറ്റൊരാൾ നിൻറ്റെ ആത്മാവിൽ
തണലുതേടുന്നുവെന്നും  .
ക്ഷണികാമാം പ്രണയത്തിൻ
ചിറകറ്റു വീഴുന്നു
വിറയ്കുന്നു ചുണ്ടുകൾ
ഇടറുന്നു ശബ്ദം
അധികമൊന്നും ഓർത്തെടുക്കുവാ-
നില്ലെനികറിയുകില്ല  നിൻ
മനസിൻ ചിലമ്പൊലികൾ,
വിഫലം ,വിഫലമീ കണ്ണുനീരെന്നറിഞ്ഞും
നിനക്കായ്‌ പൊഴിയുന്നു പിന്നെയും .

തളരുന്നു വിരളുകൾ ,
എഴുതുവാനറിയാത്ത തൂലികതുമ്പിനെ
മറക്കുന്നു ഹൃദയമാം കാവ്യഭാവബോധം .
നിൻറ്റെ മന്ത്രവീണ തന്തിയാൽ മീട്ടാത്ത
രാഗമായ് എന്നുഞാൻ രാത്രികൾ
ഏകനായ് എണ്ണിനീകുന്നു .
ഓമൽ ചിറകുവീശി പറക്കുന്ന
സുവർണ്ണ പക്ഷിയെന്നപോൽ
എൻറ്റെ പ്രണയം കാണാതെ നീ
ഉയരെ ,ഉയരങ്ങളിൽ പറന്നകന്നു .

ഏറേ ദൂരം ഒറ്റയ്ക്കുനടന്നുഞാൻ
കൂരിരുൾ കുത്തി നോവികുന്നെൻറ്റെ
നഗ്നപദങ്ങളെ
വിസ്മൃതം പ്രണയമതോർക്കയിൽ
നിശ്ചലം എൻറ്റെയീ ഹൃത്തടം
പ്രണയിച്ചുപോയത്ര ഞാൻ
ചുറ്റിലും കൽതുറകകുകൾ  വീണ്ടും
നിൻറ്റെ ദൃഷ്ടിയിൽ പെടാതെ
ഞാൻ മാറിനിൽപു .

എത്രയോ ചിത്രശിലകൾ ശില്പങ്ങളായ്
അതിൽ നിൻ രൂപം കൊത്തിയെടുക്കാൻ
കാലം മറന്നുപോയ്
രക്തം മരവിച്ച കൈകളാൽ കരികല്ലിൽ
അവ്യക്തം നിൻറ്റെ  ചിത്രം
കൊത്തിയെടുപ്പുഞാൻ

അത്രമേൽ സ്നേഹിച്ചുപോയി ഞാൻ